Aruba ta danja?

Bo ta kere nos style di bida ta danja? Kiko ta danja? Y dicon?

Claro cu nos Arubiano ta danja, esey ta algo cu nos ta lanta cune. E ta practicamente un cultura caba.

Ta nos mentalidad ta loke ta danja, pero lo nos kier cambie? No ta co'i pensa mes, bo ta loco? Ta ki ba kere?

E mentalidad aki ta pone cu nos por sobrebibi cu locual bida ta tira riba nos, tur dia, na trabow, na cas, y locual ta pasa den cada persona su cabes. Su diabelnan interno.

Pero e bida danja no ta solamente pa deal cu e parti mental, pero tambe e parti social complica aki na Aruba. Si bo no ta bebe of core caya, bo ta wordo exclui di un parti grandi di e poblacion masculino. Claro cu bo ta hanja hopi muhe danja tambe, pero nos no ta mishi e parti ey.

Nos ta mishi cu otro parti, laga nan parti mental leuw. Hombernan nunca lo compronde muhe toch.